麟李拖女辣慶世盃 陳凱琳輸波

譚詠麟（阿倫）、李克勤、「世界盃大使」陳凱琳、蔡思貝、鄭俊弘、朱千雪、陳庭欣、馬賽、許亦妮、黃心穎、魔術師甄澤權、32位《低俗講波團》「世波女」等逾半百藝人前晚出席無綫《2014 FIFA 巴西世界盃開幕森巴嘉年華》，台前幕後被世盃開波氣氛感染High爆，一班「世波女」充當「人肉布景」勝在性感，當中Mars、Angelina及小車皆谷胸撼贏一班港姐，節目截至凌晨兩點，平均收視7.7，超過50萬觀眾捧場。

鄭俊弘蔡思貝緣盡

阿倫將到巴西擔任四強旁述，但因沒門票不會帶子同行：「佢鍾意籃球多啲，足球佢唔夠我勁，可能隔代遺傳。（父親節點慶祝？）講視像電話，飛晒吻好冧。」阿倫否認為兒子準備一億創業基金：「佢話叻過我，唔使用我啲錢喎！」

世波女小車（左）Mars低胸露纖腰。

穿球衣上陣的陳凱琳呻冇男仔約睇波。

克勤「朗尼上身」硬撐英格蘭笑言要早點穿英格蘭球衣，因英格蘭被編入死亡之組：「我呢啲死硬派，五十、五十啦，有機會出線嘅。」他坦言為世盃減少工作，今年只主持首場及尾場賽事，可約朋友睇波。他指父親節要工作，笑言是父親勞動節：「囝囝都受我影響鍾意朗尼，球星佢哋仲熟過我。」

鄭俊弘傳撻着蔡思貝，惜緋聞瞬間玩完。

魔術師甄澤權力撐阿根廷。

陳凱琳坦言以前少睇足球，但今年會捧場：「不過拍緊新劇《商戰》，未必有時間做主持，但我想做o架。（有冇男仔約你睇波？）冇，不過我想約朋友同屋企人嚟屋企睇波。」傳撻着的鄭俊弘與蔡思貝大方合照粉碎傳聞，蔡思貝笑謂：「蝕底晒啦！」鄭俊弘則謂：「我哋係好朋友，唔知點解會咁傳，我哋緣盡啦！（姜麗文呷醋？）都係好朋友，冇咩醋好呷！」魔術師甄澤權在節目表演魔術，並穿阿根廷波衫支持阿根廷，他近期積極吸收靈感開拍新魔術節目。

文：影視組