古仔奸出汁 自扑變豬頭
古天樂（古仔）在新片《殺破狼II》中除挑戰自我，飾演傷天害理大反派外，更不乏動作戲份，面對同片武藝精湛的吳京及泰國代表Tony Jaa，古仔自爆扑中自己的頭，又被車壓心口。
古天樂、任達華、張晉、吳京、盧惠光和泰國動作演員Tony Jaa等昨日現身紅磡，出席新片《殺破狼II》記者會，與監製黃柏高、葉偉信及導演鄭保瑞，大談相隔十年開拍續集的感受，投資者太陽娛樂集團高層周焯華及唐才智亦有上台，向台前幕後頒贈電影紀念tee，大會安排約二十名保安人員維持秩序，甚有氣勢。
全男班女人勿近
古仔透露戲中飾演大反派，他說：「我係最壞嗰個，傷天害理，有打人，亦有被打，見Tony Jaa佢哋由朝打到晚，佢哋嗰種打法，我完全參與唔到。我反而試過拍到自己扑到自己，又被車壓到心口，個鏡頭都一take OK，係我個頭腫咗啫！（今集冇甄子丹可惜嗎？）新嘗試，唔同風味。（全男班演員唔驚傳緋聞？）片場我真係見唔到女仔，茶水阿姐例外。」問古仔是否會接拍導演彭順被傳向李心潔箍煲之作《逃出生天》續集？他說：「我都係睇報紙先知，未有咁快住。（信係箍煲之作？）唔清楚，唔方便評論，希望原班人馬演出。」有否看過前緋聞女友陳喬恩的吸煙照？古仔說：「冇。」
好打得的Tony Jaa透過翻譯表示：「首次拍港產片，有動作戲、感情戲，好有挑戰性。（高手張晉及吳京才可同你對打？）佢哋有唔同勁法，佢哋都好畀面，點到即止。我哋有交換武術心得，我吸收咗好多香港製作電影嘅嘢，返去會同泰國電影人分享。」
盧惠光避講成龍
吳京則透露太太十月分娩，他說：「我哋打功夫嘅師兄弟，平時可以好兇狠，但喺仔女面前成個人會變晒，其實我結婚後，個人都變咗。套戲拍咗40日戲，所捱嘅打係我過去40年嘅總和，上天好公平，以前我打人多，今次輪到我捱打。」盧惠光就對陳自強早前指成龍「走火入魔」言論不欲多談，他說：「冇留意，我唔八大哥啲嘢，30年前冇嘢講，依家都唔會講。」
文：影視組