45歲李丞責炮製「仙水」 保童顏
堪輿學家李丞責與老婆劉倩婷雖然年齡相距十七年，但外表完全唔似四十五歲！他自爆不老秘笈是飲人參水同靈芝茶，揚言「童顏」母須加工：「五官仲郁得！」
李丞責幫人睇相就睇得多，輪到人哋幫他「睇相」，總覺得他不似四十五歲，外表拍得住細十七年的老婆劉倩婷（Sandy），莫非參透玄學日子有功而長青不老？他笑說：「可能同飲食習慣有關係，廿年前爸爸教落，每日都要飲人參水，又飲一種入面成分有靈芝嘅涼茶，同埋朝頭早會食齋，可能有少少作用。同埋我塊面冇打過針，五官仲郁得，仲可以郁得好勁！」
靠文字增說服力
外貌十年如一日的李丞責於十九歲出道，由於出道時玄學界多為老前輩，為了加強說服力，曾經有一段時間讓人聽其聲、看其字但不見其貌。他表示：「最初整黑晒成份廣告，啲人完全見唔倒我塊面，同埋睇我寫嘅文字，好多人以為我五、六十歲，直到好多客人約出嚟見面先知我比較年輕，到依家其他客見到我都會同我講「原來你真人咁細個」。其實都幾十歲喇，被人話細個，惟有安慰自己係身形細啦！」
欣賞劉倩婷坦率
現時婚姻生活美滿的李丞責冧爆地憶述與老婆撻着經過：「嗰陣我同Sandy一齊拍攝玄學節目，本來諗住一個女仔由英國留學返嚟，對中國傳統冇咩興趣。好記得佢仲指住孫中山嘅墓問我係咩嚟，當時我就諗究竟用幾多時間解釋佢先明，後來發現佢真係有心了解中國文化，亦好欣賞佢率直性格，兩個人相處落，覺得自己都學多咗英文同西洋嘢。」
文：專案組