無綫藝員胡定欣乘劇集《點金勝手》之勢，昨日獲邀出席髮型屋剪綵。劇中飾演黃宗澤太太的定欣坦認這是「卓太效應」，更感激觀眾不嫌劇中二人角色「奸奸地」。對於宗澤叫她露股溝吸收視，定欣笑謂：「叫佢露先啦！佢嗰個都唔係第一次見人啦！」更隔空吩咐宗澤趕快回港：「返嚟宣傳，請食飯同露股罅，三樣嘢走唔甩！」
就日前有網民懷疑定欣的鼻子有「微調」迹象，她就回應：「我人生中最滿意就喺自己個鼻，我個鼻係爸爸嘅，對眼就係媽咪嘅！」還笑說自己盡得父母優良遺傳，更感謝網民曲線讚自己的鼻子生得靚。
