Yumi升兩Cup胸贏Rosemary

尹蓁晞（Yumi）昨日出席「apm早晨！全城瞓醒睇世盃」活動，以巴西森巴舞性感女郎造型亮相，同場還有穿性感Bra Top配熱褲的Mandy Lieu師妹金愛妍與清穗久美子，Yumi之後又換上爆胸裙，性感爆燈。

Yumi謂一早向男友備案有少少性感：「佢唔知咁性感，都怕佢介意，但冇辦法，工作需要。」她坦言性感極限是比堅尼，及後補充說：「裸背或用手遮胸影相都OK！」她稱男友愛睇足球賽事，自己卻對足球一竅不通：「我睇波都係睇靚仔。我只識碧咸同C朗。」

換上爆乳裝的Yumi（左一）與新鴻基地產代理有限公司租務總經理馮秀炎（左二）等出席活動。	Rosemary透露男友會飛往巴西睇世界盃。	翠翠烏身控球時，動作略為生硬。

Rosemary點擊翠翠

她更透露最近投資搞網上賣胸圍生意，會否擔心與同樣搞胸圍生意的周秀娜比較？她坦言不擔心，因買胸圍是自己興趣，她說：「我一個月可買十件內衣，好誇張，邊買邊丟。其實我着重胸圍原因係因為升咗Cup，由兩年前32C升至32E。（隆胸？）係按摩同飲豆漿，之前肥咗十磅，全部肥咗落個胸度，依家26歲，其實過咗24歲都可以再發育。」她強調不擔心被指搶周秀娜的生意：「唔關事，我唔怕畀人話，因為我鍾意（指內衣），有時我同男友行過內衣店，佢都拉住我唔畀入，怕我又買內衣。（自己做生招牌？）一定會！」

不知是否現場冷氣太大，以致同場穿腰間cut out運動款連身短裙的Rosemary凸點，她透露男友將飛到巴西睇世盃，但她有工作不能陪同。而葉翠翠俯身表演控球時動作生硬，她表示為安全計，在後台試衫時有裁縫幫她縫緊些。

文：名人組