馬賽何傲兒反轉老銅保安貼身護航

無綫另一隊世界盃天書派發大軍包括何傲兒、馬賽、羅孝勇、楊潮凱，昨午五時現身銅鑼灣鬧市，由於是放工時間，即吸引大批市民及遊客爭相圍觀，雖然無綫出動八名保安以「人盯人」防守戰術護駕，但不少人仍然蜂擁而上，又攞書又要合照，場面非常哄動！馬賽見狀亦興奮表示：「好少喺銅鑼灣派嘢，市民好有興趣攞特刊呀，好熱情！」而何傲兒亦透露大人細路都勁buy特刊：「小朋友都過嚟攞，可能佢哋知爸爸鍾意睇波，攞畀爸爸睇。」