Jocelyn簽子丹 操fit做港版羅拉
名模Jocelyn Luko與丈夫Anthony Sandstrom獲宇宙最強甄子丹和太太汪詩詩垂青，羅致旗下成為藝人，現階段二人健身操練加強裝備，Jocelyn誓做「港版羅拉」。
老闆娘汪詩詩昨日舉行記者會歡迎Jocelyn和Anthony加盟「子彈創作電影公司」。二人以普通話自我介紹，表示苦練普通話、體能和演技多時，做足準備向幕前進發。Jocelyn說一直喜歡功夫，近期已積極操體能和練拳，弄致腳有瘀痕。問到是否被打造港版羅拉（安祖蓮娜祖莉），她興奮的說：「佢係我偶像，好喜歡佢嘅電影。（會否喺電影中作性感演出？）係咪好似安祖蓮娜祖莉咁？我會選擇優雅嘅性感來演繹，因為日後自己嘅小朋友會睇到，我要為佢哋樹立榜樣，有時我媽咪見到我做model嘅性感硬照都會問我！」
見過導演袁和平
問Anthony會否介意太太性感演出？他笑說：「如果同我配成一對就完美，我哋係Mr. and Mrs. Sandstrom。（你哋將生育計劃擱置？）我哋一定會要小朋友，只係喺唔同階段有唔同計劃，現階段要積極儲錢為小朋友未來着想。」
問及老闆娘汪詩詩其丈夫甄子丹會否親自開戲給二人？她說：「其實一直有見唔同導演，之前佢兩個同袁和平導演見過面，但因為《臥虎藏龍2青冥寶劍》係古裝片唔適合，但團隊都話日後有機會希望合作。（子丹親授功夫？）咁我哋都有甄家班。」現場「師姐」湛琪清向Jocelyn和Anthony送上夏威夷花環，還說希望日後有機會合作。
文：影視組