彭順受得起：扯火護囡！

彭順上月被拍得搭上o靚模Liddy，傷透太太李心潔，未幾Liddy被揭是自殺槍手李德仁之女，事件震驚全城。事發後彭順飛往馬來西亞向太太認錯補鑊，至前晚始經香港轉飛北京，會合電影公司老闆林小明及林小強重投工作。

有指彭順雖然箍煲多時，李心潔情緒仍然波動，為免影響到彭順和前妻所生的女兒，已安排她到親戚家暫住。對此彭順透過電話回應，直斥說：「其實寫我任何嘢，我都承受得起，寫我乜嘢其實都唔會回應，但今次涉及到我個女，希望大家高抬貴手，我可以話冇呢件事，希望大家唔好喺細路女身上大做文章。」

10/6 21:20 飯後冇表情	彭順昨早與林小強一起離開酒店醫肚。	9/6 北京機場 彭順與林小明前晚飛抵北京機場，被在場傳媒追訪。

彭順前晚凌晨12時多抵達北京機場，大批香港及大陸記者沿途追訪，最初他對有關心潔病況及Liddy「贍養費」等問題不欲多談，其後禁不住說：「老婆嗰日胃痛，普通病啫，（贍養費）亦冇咁事，我編劇都冇（報道）咁叻。」面對眾多發問，彭順未有多作回答，臨上車前開腔說：「有部分報道根本不是事實，很誇張。」然後直駛下榻的崐崘飯店。

10/6 出動午飯 示意封口

彭順鬧出偷嗒小三風波後，除了氹太太李心潔（左）又要氹女兒。（資料圖片）

兩度進出酒店

昨晨11時半架上墨鏡的彭順，穿上前天所穿同一條牛仔褲現身，聯同林小明、林小強離開酒店，與一名女工作人員乘坐七人車，往相隔五分鐘車程名為「飯堂」的餐廳，一行人食足兩小時始步出，林小明友善地問記者：「食咗飯未呀？」林小強則笑說：「如果彭導以後開戲你哋跟到咁足就好啦！」彭順停下讓記者拍照，因閃光燈狂閃，吸引不少途人眼望望，他無奈地說：「你哋咁影法，唔知以為我係邊個添！」期間他又將手指放於嘴上，示意封口不回應。

一行人折返酒店後，至傍晚5時半再度離開酒店去傾談工作，期間彭順被問到會否出席Liddy父親喪禮？他禮貌地說：「唔講呢啲！」彭順與林小明等人其後於廣電國際酒店晚膳，直至晚上9時許才步出，手持大袋物件的彭順仍木無表情，匆匆上車回下榻酒店休息。彭順現身後，網民反應各有不同，繼續有人大數彭順不是，亦有人撐李心潔。

文：追蹤組