司馬燕入院疑膽管出事

前港姐司馬燕雖抗胃癌成功，但仍有不少後遺症。早前她不幸患上腸炎，昨天下午4時許，瘦得只剩70磅的司馬燕，精神不俗，由老公送到養和醫院接受檢查。她表示進食後腸會抽筋亦很痛，現只可食流質食物：「今次嚟照磁力共振，應該有嘢壓住膽管，去照下唔使留院。之前咁大件事（胃癌）都過咗，今次好小事，我好正面，有事都當冇事，醫學先進，交畀醫生處理。」問到老公是否辭去工作全職照顧她？她表示：「都唔係，抖下，都有見工，男人咁後生唔做嘢點養我！」她透露父親節會與老公吃飯慶祝，但不會親自下廚：「平時都有煮，當日會去新界行大運。」