阿Sa膽粗粗同詹瑞文交手
藝人詹瑞文前晚為舞台劇《快樂勿語》演出最後一場，徒弟蔡卓妍（阿Sa）及藝人文詠珊（Janice Man）、劉嘉玲等都有前來捧場，演員送上「紅鼻當頭起，場場爆滿心歡喜」字句及篤爆波賀詹sir順利完成演出。詹Sir被問到未來想跟誰合作時，他說想跟阿Sa合作，又想與到場支持的嘉玲姐大演對手戲：「如果有機會導到佢就更好啦！」他又指不會因只得七成入座率一事而不開心。
旅遊玩樂
專程捧師傅場的阿Sa直言詹sir有邀請她演舞台劇：「佢話下次到我喇，我話好呀！我又唔係好驚，但做舞台劇要用好多時間，只怕時間就唔到。（會有甚麼底線，會否像張敬軒般大膽演出？）嘩！軒仔嗰個真係太大膽喇！拍電影可能OK，但做舞台劇就要衝破。」
最近阿Sa周圍去玩，男友陳偉霆則不停工作，她笑言：「最好佢可以不停做，我就不停玩，之前同daddy去咗巴黎，跟住同嫲嫲去咗台灣，返港後要狂做運動努力減肥。（之後同男友去？）唔知呢，我哋成日去陽光、海灘的地方，大家都想考個潛水牌。」
而Janice Man坦言未夠膽挑戰舞台劇，要等有一定經驗先。
文：影視組