陳嘉寶嚇親眼界大開
憑《女人俱樂部》一劇上位的青春女藝人王敏奕、陳嘉寶及吳嘉熙昨日錄影無綫節目，陳嘉寶大爆主持陳國峰在廠內底褲着在面褲上，行藏古怪，令她印象難忘。
藝人王敏奕、陳嘉寶及吳嘉熙昨日到電視城錄影《Big Boys Club》，陳嘉寶大爆主持陳國峰古古怪怪，她說：「我入到錄影廠見佢條底褲着咗喺面褲上面，又搵個好細嘅盒遮住，我盡量避，但個畫面仲喺我腦海。（尷尬？）我覺得幾有趣，咁大個女未見過。（男友會咁着？）唔會，去游水都着游水褲，點會着條底褲喺面？」陳國峰則解釋說：「我想試吓條褲仔質地，冇理由除褲換，咪着上面試，呢個廠不嬲係男仔天地。」
王敏奕失聲
至於王敏奕自爆失聲，她說：「已經睇咗醫生。（男友曾國祥陪你？）自己睇，不過佢都有攞藥畀我，都感動。（唔介意同男友情侶檔拍戲？）如果有導演覺得啱，我可以，我諗佢都唔介意，專業演員會相信導演嘅選擇。」
王敏奕說有監製搵她拍劇，但公司想她專注拍戲。
文：影視組