鄭丹瑞老花買蛋糕

鄭丹瑞（阿旦）日前單拖現身銅鑼灣行街，見他一身casual打扮、孭着背囊急急腳進入一間餐廳選購蛋糕。甫進店內，阿旦即除去太陽眼鏡，走到玻璃櫃前睇蛋糕，原本翹埋雙手的他，索性哄個頭埋去細心挑選，未幾已揀了數件蛋糕，等候取餅期間，阿旦突然戴回黑超步出餐廳，見到記者拍照，他初時顯得一臉愕然，後來笑笑口打招呼，並表示人有三急去洗手間，問到買餅給誰？阿旦友善地說：「嚟買餅畀個女食呀！」解決完隨即折返餐廳取餅離開。