黎瑞恩Sing援草蜢冇托手（月爭）
鬧婚變的黎瑞恩為草蜢演唱會再踏紅館舞台，惹來復出樂壇的敏感揣測，但小恩子矢口否認，形容草蜢三子乃她契哥，怎敢托手㬹！對婚變一事她絕口不提，但透露目前生活愉快。
退隱樂壇多年的黎瑞恩與結婚11年的富商曾智明鬧婚變，前晚小恩子擔任草蜢演唱會嘉賓，蔡一智說：「佢唔似我哋嘉賓，似我哋妹妹，事實上佢真係我乾妹妹。」穿桃紅色長裙的小恩子揮手與觀眾打招呼，智仔說：「好多人好掛住你嘅歌聲，咁甜美嘅歌聲唔可以浪費，多啲表演。」全場掌聲支持。之後她拖住傑仔合唱《愛一次便夠》。
視草蜢為契哥
再踏紅館獻唱的小恩子，惹來復出樂壇的敏感揣測。小恩子昨日接受電話訪問時笑說：「唔係，我都驚智仔咁講誤導觀眾，唔會啦，依家最緊要搞掂仔女讀書先。」她過去兩次在紅館開騷，草蜢都應邀做嘉賓。小恩子說：「佢哋叫我，我又點會托手㬹？佢哋仲係我契哥。」她還透露稍後會為唐韋琪的兒童舞台劇唱歌，她說：「玩吓，啲朋友叫到幫手咪做囉。」提到被傳婚變後的近況，她說：「生活愉快。」
克勤抽傑仔水
除了小恩子，前晚嘉賓還有李克勤。克勤高唱《月半小夜曲》掀高潮，又跟草蜢逐一擁抱。他笑着質問草蜢：「識咗29年，點解從未搵我做表演嘉賓呢？係咪嫌我跳得差？」阿智說：「唔係，你比阿倫（譚詠麟）跳得好好多！」克勤即笑說：「真嘢唔可以講出嚟，會殺頭！」全場大笑。眾人又暢談當年，克勤說：「咁多年大家都冇乜變過，好似傑仔個波依然咁大。」隨即伸手摸傑仔胸肌抽水，又扮他挺起胸膛行路。被擺上枱的傑仔反擊：「呢個係胸肌，唔係波！」
文：音樂組