世盃女拋胸鬥波浴血
無綫《低俗講波團》28位World Cup Girls（原本32位，4位缺席），昨日以低胸背心、短裙，在將軍澳電視城出席拜神儀式。眾女分成兩隊進行足球友誼賽，波來波往，打底褲、心口事業線傾巢而出，(11)蘇珊（小小蘇）及(28)黎子嘉（芊洋）更奮戰至擦傷右膝，流出第一滴血，需貼上膠布治理。
(18)馬嘉韻（Mars）早前被公開與同性影脷疊脷激情相，她快人快語說：「TVB冇搵我問番件事，我唔係同性戀，只係同好姊妹影嚟留念。（自覺身材比其他世盃女優勝？）睇到啦！叫做先贏一步囉！（想喺呢行發展？）有機會就做，冇就唔好嘥時間！」
談到足球，她說：「以前有睇波，但嗰時未夠18歲，冇得賭波。（你係賭波不睇波嘅病態賭徒？）唔算，但我試過賭得好瘋狂，用三分一嘅錢去賭。」
而受傷的蘇珊說：「我第一次踢波，傷口依家仲好痛。」
文：影視組