JC人肉速遞 狂歡6日攰爆
「警鐘模」Jessica C.（JC）早前被指與美國男友Mr.Bond長期分隔，在芳心寂寞下秘戀男星安志杰，但最終情歸男友。前晚她出席活動時就透露剛人肉速遞到美國與男友賀壽，度過了火辣辣的六天蜜月。
前晚名模JC、Ana R.、扒女李依琳與男友、尹子維、方力申（小方）及導演黃百鳴等一同出席美酒活動，其中身穿豹紋tube dress的JC卻一臉疲態，透露早上才由美國返港，她說：「我有個表親畢業，同埋我男朋友6月1日生日，所以去同佢慶祝，（送咩驚喜畀佢？）我出現就係最大嘅驚喜，同佢搞咗個生日party，食吓飯咁，最重要之前大家成日分開，呢幾日我哋好好相處。」問到她跟安志杰的戀情？她笑說：「報道出時我啱啱喺美國，我哋係好朋友，我好欣賞呢個演員，佢又識功夫，我哋一齊喺台灣拍戲，我乜都唔識，佢都好照顧我，教我喺鏡頭前要放鬆，（佢讚你身材好？）多謝佢，佢身形都好好。」
小方唔使家規
而同場的小方就自爆喜歡喝酒，因平日朋友都稱他為「認真先生」，言行太拘謹，酒後就可以放鬆點，他又試過喝醉後攬着垃圾桶嘔吐，不過他自言少去夜蒲：「呢啲地方引誘太多，費事畀機會人又畀機會自己，我又唔係單身，（你都唔畀女友Stephy（鄧麗欣）去呢啲地方？）呢啲係相向，識做o架啦，吓吓都講家規就冇意思，做人要互相尊重。」
文：名人組