張智成嫌李逸朗屎波
情歌王子張智成事隔五年，終定於8月底再度在港開騷，獲好友李逸朗（Don）帶羽毛球拍現身記招撐場，兩位因羽毛球而結緣的好友一時興起表演球技，更吸引大班粉絲撐場。
馬來西亞歌手張智成將於8月假九展舉行一場《記得．是最好的張智成演唱會「香港站」》，昨日智成現身鑽石山荷里活廣場出席演唱會記招，他獲大會送上旅行篋做禮物，其後好友李逸朗（Don）神秘現身送上羽毛球和球拍給他。Don表示早年跟智成在北京認識，並相約打羽毛球，Don說：「不過我太渣，打過一次後就冇再搵我。」兩人更即場在台上試打羽毛球。
開騷拒賣肉
智成即席唱歌助興，一班內地和香港粉絲到場支持，又獲邀上台玩遊戲，兼逐一與偶像合照留念。智成表示自2009年在港演出過後，事隔多年重來感覺興奮，坦言表演一場絕不夠喉。他又稱近日體重增加數公斤，要開始多做運動，問會否在音樂會上除衫騷肌？他笑說：「咁咪變咗賣肉？我都係音樂行先。」
撐場的Don稱新碟將於下月推出，智成亦有拔刀相助，替他製作一首歌。Don的首支派台歌下周推出：「入行11年，今次隻碟做得好有誠意，搵咗好多地方樂手幫手錄。今次好開心，請到劉心悠BB幫手錄咗個劇場版，入面佢仲唱得多過我。」
文：音樂組