陳自強成龍各走各路
曾任成龍經理人30多年兼稱兄道弟的陳自強，在電台錄音訪問中坦言最「棘手」是1999年吳綺莉「小龍女」事件，他說：「當時有唔少軍師、提議，最初其實成龍想講一個聖經中女子被人掟石頭嘅故事，想話『誰人沒有錯？』點知他講錯咗『天下男人都會犯的錯！』我哋都愕然。」他否認曾秘密聯絡吳綺莉想為成龍擺平事件。
談到跟成龍2008年分道揚鑣，陳自強剖白：「佢開始走火入魔，說話都聽唔入耳，依家坐喺佢身邊唔係大老闆就係有錢佬，唔再需要我，我已經冇咩可以幫到佢，亦知道有人想攝我位，所以寧願自己先離開。」跟成龍結束多年經理人關係，他坦言感到可惜，但兩人現今見面不會尷尬。在節目中陳自強承認1992年結束經理人公司，是受黑社會勢力所逼。