林師傑避談小三
「星夢幫」鄭俊弘爆出小三疑雲，「巨聲幫」的林師傑與鄧穎芝維持了兩年半的姊弟戀早前告玩完，之後鄧穎芝在網上自爆戀情遭小三介入，林師傑昨出席活動，被追問小三身份，他顯得避忌，但否認與鄧穎芝隔空互寸：「冇寸佢，我冇咩點回應，佢講咩佢嘅事，可能係晦氣說話。（唔係和平分手？）可以咁講！（又話做番朋友？）我期望可以，佢對我嚟講係重要嘅人，幫我好多，好感激佢！我唔想畀呢啲嘢令大家唔開心，始終一齊咁耐，依家集中做嘢，冇新戀情，《愛．回家》加咗戲份，簽咗新唱片公司。（鄧穎芝講起關於小三嘅事，有感而發好激動？）冇聽聞，我哋好少聯絡。」
