JC放棄攻美留港happy
「警鐘胸」名模Jessica C.（JC）早前返美國兩周陪男友慶生，至昨日返港後即火速收拾心情全情投入工作，正洽談3部電影的她，直言看淡美國市場，並將全力留港發展：「可能受屋企影響，一直以嚟我哋家人都覺得眼前快樂係最重要，所以我從來未試過安排一年後嘅計劃，經理人都話我諗嘢唔長遠，話我細路女。如果要喺LA發展，起碼要放兩、三年時間，要喺嗰度發展人際網絡又要應酬，有幾多個可以做到Maggie Q咁成功？」
決定不往美國發展，代價是要繼續異地戀。JC與男友拍拖兩年，感情漸趨穩定，男友亦尊重她留港發展的決定。對於夏日又將掀寫真戰，曾拍性感寫真的她揚言「收山」：「呢刻我唔會再拍寫真，熱潮已經過咗，（留番拍戲先性感？）如果遇到好欣賞嘅導演，全裸都可以考慮！」