黃又南捐車底喪抓爛面
黃又南日前駕駛其紅色Audi座駕到銅鑼灣加路連山道一間車房修理，見他與職員傾談一輪後，職員便把其「老婆」吊起，一向愛車如命的又南，即顯得一臉苦惱，當汽車維修員仔細地為其座駕做身體檢查時，他忍不住摺起衫袖與兩位維修員齊齊捐入車底踎低研究，還相當肉緊地落手落腳整埋一份。
紅瘡嚇人
事隔數天，又南於凌晨12時許出動，駕駛其剛修理好的座駕到銅鑼灣買影碟，向來皮膚滑淨的又南，當日離奇「爛面」。他單拖行入影碟舖，兩邊臉頰異常紅腫，長了很多嚇人紅瘡，望見都覺得痕。又南在店內兜一圈，向店員詢問幾句後，走到擺放影碟的貨架選購，期間見他痕癢難當，忍不住用手周身抓，抓完頸背又抓背脊，似乎相當辛苦。
逗留約15分鐘，又南揀選數隻心水碟往付款，然後手持一袋戰利品往取車，在他踏出門口一刻，剛有人搬垃圾在其座駕旁邊經過，又南即緊張地上前查看車身有否被揩花，其後急急駕車走人。
文、攝：追蹤組