Shirley@FFx警署錄口供
樂壇女子組合FFx成員楊澤怡（Shirley）前日凌晨遭從事保險業的前男友潛入她就讀的教育學院宿舍，二人疑因保單問題發生口角，Shirley聲稱遭人扯頭髮受傷，終由保安員報警求助。前晚11時Shirley在經理人陪同下到大埔警署錄口供，並向記者展示傷勢，她憶述事發經過︰「噚晚突然有個男人潛咗嚟，又話要搶要殺，仲扯我頭髮，之後有保安報警，我入埋醫院！」
Shirley直言不清楚前男友騷擾動機︰「只知佢潛入嚟，好驚，唔知發生乜事！（仲有冇搵你？）已經block咗佢電話，唔知有冇打畀我。（佢再搵你咁點？）唔知，冇辦法，控制唔到。」昨日Shirley於電話中表示昨凌晨三時半才錄完口供，在餐廳逗留至天光才敢返宿舍。因她稱保單被騙，涉及欺詐及刑事，案件已交由CID處理，預計今日找CID錄口供，而前晚錄的口供只涉及被襲。