娜姐冇仔陪攬女睇戲

性感女神周秀娜自從去年初宣布與拍拖多年的陳偉成分手後，一直dry到爆，最近娜姐忽然自爆有人追，但最新一期《好報》發現，索爆娜姐依然冇仔埋身悶到發慌，日前攬同性女友人行街睇戲。
娜姐（左）與女友人邊行邊傾，講唔停。
娜姐（左）與女友人邊行邊傾，講唔停。

當日傍晚約7時，穿短裙騷長腿的娜於中環會合一名穿長裙的女友人行去戲院，期間小心地左右張望，似確定沒有人跟蹤，然後急急趕入場，原本以為娜姐故弄玄虛，約女友人掩人耳目，記者守候至散場，仍然只見娜姐和長裙女友，完全未見有異性埋身。睇完戲的娜姐，豪氣地攬住女友人膊頭不停傾，行至扶手電梯她又翹住對方行，冇拖拍卻有女友相伴亦不錯。

娜姐與女友人一齊坐的士離開。
  • 娜姐與女友人一齊坐的士離開。