孫佳君中環獅吼喝停百厭星

昔日性感女星孫佳君，年前與富商男友劉貴喬相戀，曾一度退出幕前，並先後為男友誕下兩名兒子，後來有指她與劉貴喬鬧翻，孫佳君即帶着兩名兒子搬回老家新加坡居住，未幾三母子始搬回香港定居。身為單親媽媽的的孫佳君，近年要身兼父職照顧一對兒子，雖然生活不愁的她，兩年前漸次復出幕前再接拍電影。

阿仔掙扎揈母手

日前下午5時許，孫佳君帶着戴眼鏡、剪了潮童髮型的大仔現身中環行街，未知她是否怕被人認出，全程戴住cap帽及黑超，不過她一張豐厚的烈燄紅唇卻出賣了她，被人認出。當母子倆行至附近行人天橋時，兒子竟如「甩繩馬騮」般走來走去，當時人來人往，孫佳君恐防「百厭星君」走失，即時使出「獅吼功」當眾破口大罵喝止：「唔好再走喇！」繼而再伸手捉實囝囝，被媽咪拖到實一實的囝囝，顯得一臉不情願，更曾一度想揈開媽咪隻手，還邊行邊掙扎叫嚷：「放開我呀！放手啦！」此時，明知兒子頑皮的孫佳君當然扮聽唔到，還繼續捉住他的手向前行，直至行到人流較少的地方，她才放開囝囝的手，然後母子倆雙雙進入附近一幢商廈。

獅吼震「星君」	孫佳君兒子梳個潮童頭，他極不情願被媽咪捉實，企圖揈甩媽咪！	孫佳君拖着兒子行至商廈前，才放開他的手。

教仔勞氣唔怪獸

昨日本報致電給孫佳君，她直言因怕已八歲的大仔有危險才「勞氣」當街鬧仔，她說：「我兩個仔一向已經好活躍，我平時咁勞氣，都係怕兩個仔有危險。我對大仔管教會嚴厲啲，因為佢要做個好榜樣畀細佬睇。」問到她會不會是「怪獸家長」？孫佳君說：「唔會，我想佢哋兩個生活得開開心心，唔會逼佢哋去學好多嘢。」身為單親媽咪的她，現在最希望兩個兒子聽教聽話，長大後要孝順屋企人。

文、攝：追蹤組