JM炳陳柏熹亂噏
Janice Man（JM，文詠珊）昨日出席SABON香薰活動，被問到新動向，她表示與老闆黎明有傾過：「我哋溝通好好，我自己會開公司同埋會同另一公司合作。」提到有傳黃柏高提出三千萬包薪，她沒有否認：「合作形式遲啲先講！要離開公司都唔捨得，心情好忐忑，依家我要出去闖，要撞吓板，唔撞吓板唔心息。」
而提到與的士車行太子爺鄭子邦傳緋聞，她強調與對方從未拍過拖，只是好朋友，她坦承當晚感到開心又輕鬆，以致飲到半醉，動作較大；至於會否令人誤會，她說：「個個知我男仔頭，亦察覺唔到佢想追我。」說到她前緋聞男友陳柏熹指她豪放時，她笑說已教訓了對方：「我有炳佢，佢都有打電話畀我，話自己講錯嘢，我真係冇所謂。」此外，星級造型師郭慶彬（Ricky Kwok）亦有現身撐場。
