鍾嘉欣愛伍允龍有腹肌
昨晚鍾嘉欣以一襲黑色喱士裙出席活動，同場還有名模琦琦、馬詩慧、Rosemary及甄子丹太太汪詩詩等。其中嘉欣是專程來捧設計師場，她說：「其實我少睇fashion show，都想嚟學吓嘢，因為嚟緊開新劇，會演一個好識時裝嘅人，特登搵朋友教我車衫同聯線，加埋落套劇度。」
問到同劇有哪位演員？她續說：「松哥（劉松仁）同汪阿姐（汪明荃），松哥好好人，佢好錫後輩，提點我個角色好難演，叫自己創作，所以要畀心機，（向視后進發？）希望啦！」她又謂劇中跟一「大隻男」演情侶，笑言不喜歡太健碩的男人，但欣賞有六舊腹肌的男士，那「男友」伍允龍豈不符合其條件？她即甜笑：「咁佢都幾健康嘅！（會唔會一齊做運動？）少啲，我鍾意同音樂做運動。」
馬詩慧現疲態
而同場的女星貝安琪就透露剛從德國落機返港，去康城影展十日，期間更與奧斯卡影帝羅素高爾聚會，提到她坐對方大髀，笑說：「我哋幾熟，不過唔係男女朋友，我都希望可以同佢合作，佢好有天分，又做埋導演，我都好期待睇佢部戲。」
至於名模馬詩慧就一臉疲態，因為剛參加二女王麗嘉的高中畢業禮返港，踢爆囡囡剛與男友分手：「因為佢哋嚟緊唔同大學，話畀啲空間大家，將來遇到就遇，我覺得佢好成熟。」她又謂麗嘉也知道姐姐曼喜出櫃，並予以支持。
文：名人組