人夫彭順被指搭上o靚模Liddy，昨有讀者爆料指Liddy半年前背男友搭上彭順，更附上Liddy與疑似前男友的合照，她被男友發現即撤離深井寓所，並與彭順於將軍澳同居，更抓到彭順選她任電影《四非》女主角。Liddy友人叫她不要做小三，但Liddy有感自己泊得好碼頭誓要坐正。
有指彭順已到馬來西亞向太太李心潔請罪，但心潔似未平息怒氣，夫妻倆正匿埋冷靜。彭順好友、寰宇高層林小強說：「有同彭順短訊，佢仲係愁爆，又係唔抵爭，希望佢掹得番。」有指李父亦與女兒失聯絡，但表示若事情屬實，定會怪罪女婿。Liddy則繼續潛水無回覆。