定欣啜子珊感覺差

徐子珊、胡定欣、黃智賢、梁靖琪、黃長興及梁政珏等，昨日在中環為無綫新劇《點金勝手》宣傳，男主角黃宗澤（Bosco）雖然身在橫店拍劇，但無綫也不惜花六位數，派攝製隊到當地作衞星現場直播，讓Bosco隔空現身宣傳。

子珊劇中被定欣「霸王」激咀，以圖拆穿她的假同志身份，反而與黃宗澤卻沒有咀戲，子珊說：「場戲意識好激好大膽，係挑戰自己同電視尺度底線，拍嗰陣都好尷尬，定欣做主動比我更尷尬，拍嗰陣都有啲心理障礙，但都係為戲劇效果，希望畀啲新嘢觀眾睇。」

胡定欣（左）、徐子珊

徐子珊與胡定欣說拍咀戲很尷尬。

梁靖琪上圍縮水

Bosco在內地拍劇，宣傳重任落在子珊身上，她說：「Bosco會返嚟宣傳嘅，佢要搵人仔冇辦法啦。」定欣表示咀子珊感覺也不良好，她笑說：「同Bosco咀都冇咁緊張，因為要喺廁所強行推子珊埋牆咀，原來強行咀人感覺好差，冇來往吖嘛。」定欣指劇中因與Bosco演夫妻故有不少咀戲、親熱戲，她笑說：「睇番都驚尷尬。」

梁政珏以低胸裝搶鏡。

黃宗澤隔空現身新劇宣傳。

為另一新劇飾演打女，正積極健身的梁靖琪，昨以透視裝示人，她謂未有磅重，故未知減了多少磅，但坦言上圍已縮水。

採訪：影視組