唐貝詩被老闆鬧劈炮走人
寇鴻萍與女兒唐貝詩（Lydia）昨日到亞視大埔總台錄影節目《我愛下午茶》，提到母女檔經營生意，寇鴻萍自稱完美主義者，對囡囡要求特別高。她自爆曾鬧到女兒三次「劈炮」：「可能媽咪同上司角色混淆，其他人鬧佢唔出聲，但我鬧就駁嘴、發脾氣，但媽咪身份係老闆，我同佢講要尊重上司，駁嘴、走人係唔得。我都會混淆，對佢特別嚴、大聲啲，但我哋都知道有愛。」
另外，有指亞視計劃下月派藝員到越南拍劇，亞視助理副總裁冼偉智昨日稱以藝人安全為前提才決定出發日期，會在當地逗留三個月。他又指《我和殭屍有個約會》微電影會考慮邀其他藝人參演，昨有份試戲的鄭伊娜及宮雪花均演出時走光。
