王敏奕生性 讀書搵外快
藝人王敏奕在劇集中飾演年輕版李麗珍後為人認識，近日有指她早於十六歲時已出外兼職養家。昨日她出席活動時解釋，指童年時父母離異，自己身兼大家姐的責任，讀書時兼職幫補家計，以減輕母親的負擔，認真有孝心。
王敏奕、張嘉兒、許廷鏗、陳貝兒、林曉峰、朱晨麗等昨出席無綫慈善節目記者會。王敏奕憑劇集《女人俱樂部》飾演年輕版李麗珍而備受注目，繼被踢爆與曾志偉兒子曾國祥拍拖後，再有指她十六歲便出社會工作養家，王敏奕解釋童年時父母離異，自小便跟母親和細佬一起居住，為了減輕母親的負擔，便以兼職形式出外工作和接細佬放學，謙稱談不上甚麼「養家」。問到母親有否擔心她在娛樂圈工作，她說：「唔會，因為我份人好交帶，又唔會唔返屋企瞓，大家溝通得好好，媽咪好信任我。」
何傲兒：家姐心情OK
同場的何傲兒被問到有指家姐何傲芝獲父親不時介紹馬主認識，何傲兒說：「唔係事實嘅事真係唔想回應，今次主角雖然係我家姐，但我好戥佢心痛。我未入行前嘅生活圈子就係family day喺馬場同家人食飯，基本上係我家人生活圈子，大家係朋友。（家姐心情點？）當然調節咗，OKo架嘞，多謝大家關心。（有冇哭訴？）全家人都好支持佢。（與蕭正楠去到水火不容？）呢個要問家姐，我同佢如有合作都唔會尷尬。」而鄭俊弘則表示與蕭正楠合作劇集《商戰》時未見過何傲芝或黃翠如來探班。另外，張嘉兒就表示與男友感情穩定，但家姐今年結婚，故不會與她撞期。
文：影視組