黃長興湊B女 攰爆心甜
無綫藝人黃長興剛剛榮升父親一個星期，昨日帶同女兒Paige出外覆診，長興接女兒返家已四天，這個廿四孝老公及爸爸，都有幫手換尿片及掃風，昨日長興在電話訪問中仍難掩喜悅，更指剛與女兒覆診，醫生大讚BB皮膚又白又滑，更比出世時重了。
太太餵人奶
長興說：「每晚BB都要飲三次奶，太太餵人奶，我等佢餵完就幫手掃風、換片，依家好熟手，太太都好好，好精神，反而我平時慣咗早睡早起，有時真係好攰，不過見到個女，乜嘢攰都唔怕。」長興幫女兒改了英文名Paige，他表示因為太太叫Peggy，所以改同一英文字頭，之後生多個囝囝，就改個跟自己一樣S字頭的英文名。
縱使現時有陪月幫忙照顧BB，但長興都暫時放下餐廳的工作，做廿四孝老竇、老公，隔多個星期才返無綫開工。長興又笑指父母很開心，因為他的哥哥三個都是兒子，今次太太為黃家添女孫，老人家都很高興。長興雖於法國長大，但都會入鄉隨俗，找專人為女兒改好名。
文：影視組