Ana R.瞞老公做裸模
混血名模Ana R.昨日出席畫展活動時自爆曾為藝術和慈善犧牲，全裸上陣擔任畫家朋友的模特兒，她笑言擔任裸模一事連老公Bradley都不知道，但現在若要再這樣做則要先問准老公。
Ana R.在模界出名專業，為原汁原味演繹設計師作品絕不介意真空上陣行時裝騷，更試過不只一次春光乍洩甚至「見暈」，昨日她與同門師妹「警鐘胸」女模Jessica C.一同出席畫展活動時，JC性感拋胸大騷事業線，成為焦點，而Ana則出口術自爆曾為藝術與慈善而全裸上陣擔任畫家的model。當問到Ana和JC兩人可會為藝術全裸上陣，例如擔任人體素描模特兒？Ana即自爆說：「我試過啦，半裸全裸咩都試過晒，係為慈善啫，覺得好有意義，所以我OK，不過我老公都唔知道，因為佢冇睇過啲畫，連我自己都未睇過。」
見body唔見樣
Ana謂與該畫家是好朋友，故感到很放心：「佢話我知有次喺個banker朋友度見到我幅畫，好大幅，佢同個banker講話唔會透露畫中model嘅身份。（幅畫見唔到樣？）見唔到，淨係見到個body。（畫緊嘅時候有冇覺得尷尬？）一啲都唔會覺得尷尬，我覺得好安全同舒服，好信任個畫家。（依家仲會唔會咁做？）依家結咗婚就要問過老公先，要得到老公批准先可以，咁係尊重佢。結婚前就咩人都唔使問。」而JC亦表示不介意為慈善全裸：「重點係個畫家，要係一個受人尊敬嘅畫家。」
文：名人組