冬甩完美磨合玩凸破
憑青春性感形象登場的o靚模組合冬甩，每年均在書展「寫真戰」搶灘，今年更揚言要突破性感底線！頻頻換血的她們現時已去到第四代，自覺愈變愈好及比以前更有默契！
冬甩已成立四年，期間不斷注入新血，現時組合平均年齡只得19歲，青春逼人！其中三位成員陳芷敏（Elke）、潘欣妮（Loretta）及鄭安娜（Biona）自言單身，今年夏天的寫真戰將會搏盡出擊，更會加入懸浮攝影新元素！第二代開始加入冬甩的大師姐Elke謙稱：「無嘢可以教路呀，大家互相學習！依家啲成員愈來愈靚，又有進步，好多嘢都純熟咗，做起嘢嚟都好有默契。」問到是否指以前有不和時，Elke笑說：「我都唔知呀！嗰時我係新人，同依家呢啲成員熟啲！」
Loretta愛成熟男
現年19歲的Loretta直言上年的寫真未到其性感底線：「我覺得今年可以再突破啲！成熟啲！」自言未有男友的她大談擇偶條件：「鍾意張智霖、苗僑偉嗰類，有男人味！可以保護我！」不過就笑指未有追求者。至於年紀最小、18歲的Biona自言思想成熟：「無特別照顧我呀，大家照顧大家o架喎！我唔會妹妹仔咁囉。可能做呢行思想會成熟啲。」自言單身的她有感身高令追求者卻步，於是決心用盡天賦做模特兒。
文：專案組
攝：嚴偉國
場地：Vi Cool