許廷鏗酒吧騷rock夠皮

歌手許廷鏗（Alfred）前晚在尖沙咀演出酒吧騷，他稱最近一次已是兩年前與「巨聲幫」一齊演出，再踏足酒吧做騷，Alfred笑言：「唔知係咪形象關係，可能以後唱多啲rock嘅歌好啲，所以都特登着皮褸，平時唱太多慘情歌畀人感覺太斯文。（想唱多啲酒吧騷吸金？）都係，多啲試下喺唔同地方演唱。」抗拒自己形象太乖？Alfred笑言：「又唔會，都幾好，因為會少咗好多麻煩。」至於夜店演出可有遇醉酒客鬧事？Alfred表示又未試過，一直都受到好好保護。衝上台抱抱索吻呢？他謂簽名會都有試過，但fans都是禮貌式抱抱。