洪金寶愛駒唔用老婆名
洪金寶（三毛）早前出席香港賽馬會主辦的「亞洲賽馬會議」，交流養馬心得，提到愛駒「崇山寶」早前於杜拜舉行的國際一級賽奪冠，贏得60萬美元（約465萬港元）獎金，開心的他透露想多抽隻馬：「聽人講每次攪珠抽唔到下次會有多一粒珠，我已累積咗近五百粒珠，但仲未抽到。」
三毛又發揮搞笑本色說：「改馬名我憑感覺，英文馬名由老婆改，但馬名一定唔用老婆名，因馬匹比賽過程中畀騎師踢同鞭，唔想所愛嘅人畀人欺負。」三毛在外國買了牧場養馬想當練馬師，但因要看一本成呎厚的英文書而放棄，7月他會開拍自導自演的新片。