Lea T.搶峰頭 黃婉曼出口術

黃婉曼、模特兒　Lea T.、汪圓圓表妹湛琪清昨日現身觀塘，出席apm舉行的「全城瞓醒睇世盃」記者會，平時毫不吝惜身材的黃婉曼，突然收起性感，密實到場，風頭即被穿着比堅尼top的霍啟山緋聞女友Lea T.蓋過，難怪她即時暗寸說：「踢波又唔係跳水，唔使性感，我四年前做主持着風褸添﹗」

想生隊足球

問到是否未來老公不批准？黃婉曼即說：「不至於，佢尺度好高，我都會詢問佢意見嘅，畀佢睇吓。（你哋同居咩？可以隨時畀到佢睇？）依家電話好方便嘛﹗」問及二人婚期？起初她支吾以對，後來說：「忙埋世界盃先，年底啦。（訂咗酒席？）未，不過有好多願意提供幫助。」她又坦言結婚為趕生B，故近日已積極養好身體，又跳鄭多燕修身舞又做瑜伽，更笑言想生隊足球隊。

黃婉曼「峰頭」被搶，不惜出口寸Lea T.。

右起：黃婉曼、新鴻基地產租務總經理馮秀炎與湛琪清出席世界盃活動。

巴西睇世盃

Lea T.就透露上屆世界盃去了南非現場睇波，今年世界盃她將會在歐洲，雖然跟巴西相隔很遠，但仍然會親臨當地觀賞。她又笑言不覺得自己性感：「配合番個主題，巴西係個好熱情嘅國家，佢哋會開party，好多人跳舞，好熱鬧，所以我咁嘅打扮係好casual。」此外，同場的汪詩詩表妹湛琪清就被現場的鸚鵡以口啄她裙子上的絲帶，嚇得她即場大叫，幸有驚無險。

文：名人組