吳君如昨日隨「奧比斯」到越南三日，探訪當地醫院和學校等。近日因南海主權爭議令中越局勢緊張，越南更有反華示威，問會否擔心？君如說：「冇得擔心，家人知我去，老人家梗係話唔好帶個孫去，但我話好安全，我都去咗五年。」她謂復活節曾打算帶囡囡探訪，無奈假期未能配合，君如指女兒已答應暑假再去：「啱啱帶佢去廣州探爹哋（陳可辛），爹哋拍緊拐賣兒童題材電影，要去偏遠地方，個女都冇詐型。」
