Kaii@Super Gear輸密實 靠口攞分
昨日面試的World Cup女神中不乏「有知名度」之士。當中(5)陳蘭開（Kaii）為本地女子組合成員Super Gear成員，背心上陣但仍密實的她甫到場即說：「嘩！咁大場面嘅？我以為見吓監製咋喎。（你好密實喎！）我都知我太密實，輸蝕咗啲，不過我會用口才攞分。」
而(9)25歲的張可義（Emily）擁有33B上圍和爆瘡臉，她向評判主動「溫馨提示」說：「我以前上過C1（娛樂頭條）o架，我咪係同陳肇麒（陳七）傳緋聞嗰個囉！我要擺脫佢個陰影，靠實力入圍，我同佢冇聯絡o架嘞。」司儀問她表演甚麼時，她竟說：「我有好大個窿可以捐。」隨之模仿雨僑以雙手翹身施展軟骨功。同場(17)稍有身材但不性感的Susan自稱為有線拍攝怪談節目，會走開心同健談路線。
