翠如撻着蕭正楠陷三角戀

蕭正楠（Edwin）與何傲芝拍拖以來一直低調，關係糾纏不清，之後Edwin與黃翠如因合作劇集《師奶Madam》撻着，拍拖至今幾個月，最近翠如更被拍到直踩Edwin家纏綿60小時。鑑於Edwin與傲芝沒公布「分」訊，令翠如與Edwin的關係變成三角局面，翠如不想於這段敏感期承認戀情而慘變「小三」。

翠如昨日連踩三活動，她出席「2014FIFA巴西世界盃」活動後，一落台就一臉愁容。對於被指與Edwin同居，翠如支吾以對謂：「我對唔住大家，我要消化一下，了解咗先，唔想回應住，因為未睇報道。（對方有冇聯絡你？）冇，（傳Edwin不停傳短訊畀你？）咁私人嘢唔回應。」

黃翠如日前被拍得直踩蕭正楠寓所。（資料圖片）

何傲芝支持蕭正楠的決定。（資料圖片）

對於今次處理手法有別於以往，翠如無奈說：「希望了解咗先。（話你瞓何傲芝舊床。）唔想回應。（有冇去佢度過夜？）唔想回應。（唔排除發展空間？）要了解吓先，畀啲空間大家。」一同受訪的緋聞男友洪永城插嘴，讚翠如與Edwin郎才女貌：「兩個都單身，幾襯。畀啲空間人啦。（你好傷心？）梗係好傷心。」而Edwin則以開工為由表示稍後才回覆與翠如的戀情問題。

何傲芝力撐

身在外地的何傲芝昨接受電話訪問時表示不欲多談，但作為朋友會支持Edwin決定。Edwin老友兼拍檔田蕊妮昨聞得老友新戀情表示愕然：「唔知。（之前佢被人追問，你幫佢擋架喎。）上次講笑，真係o架？係就要恭喜佢，最緊要開心。」

同場的高鈞賢與陳庭欣近日分別被指與苟芸慧和翟威廉傳緋聞，高鈞賢只認與苟芸慧是好友，他更說稍後到巴西工作時會保護對方。庭欣則否認與翟威廉同居。

文：影視組