張栢芝突然在內地電視節目自爆曾四度流產，前夫謝霆鋒經理人霍汶希昨日表示不回應。據知，霆鋒本月初在韓國拍完廣告返港後，上星期已飛到新加坡繼續為其主理的《十二道鋒味》進行拍攝工作。由於栢芝跟兩個兒子Lucas、Quintus早已移居星洲，今次霆鋒可以因利乘便，每日完成拍攝工作後，都可以抽時間跟兩子見面。今日適逢是霆鋒細仔Quintus四歲生日，相信霆鋒怎樣忙碌都會抽空跟囝囝慶祝，共享天倫。
另外，霆鋒父親謝賢昨日接受電話訪問，提到孫仔Quintus今日牛一，他說：「係咩？我唔知呀！佢哋依家喺新加坡返學呀。（電話聯絡？）有時候啦。（送生日禮物？）冇呀，我都冇節日觀念。」提到栢芝曾四度流產的報道時，四哥即匆匆收線未有回應。