馮德倫冧舒淇：得閒就見
馮德倫與舒淇戀情白熱化，二人經常在微博憑貓寄意，昨日他在活動上將謎底解開，表示該貓是自己所送，坦承二人經常見面，更嚷着記者放他一馬，不要再追問感情事，因想低調處理！
馮德倫昨晚為意大利鞋履品牌Santoni新店擔任剪綵嘉賓，他透露近期忙於為英國汽車品牌執導廣告，經常要飛往英國取景，問到是否忙到沒空見舒淇時，他笑到眼瞇瞇，說：「我哋係囉……（係乜？）經常可以見。（幾耐見一次？）得閒就見。」當記者直問他有否到舒淇香閨探貓時，他直言該貓是自己所送：「係我送畀佢嘅聖誕禮物。（係定情貓？）唔係。（見唔到舒淇，見到隻貓都開心？）得啦！」至於是否意味着公開戀情？他反應很大，並五度強調冇：「冇，冇，冇，冇，冇。你哋都知我不嬲低調（指戀情）。（公開咗減少麻煩喎？）得啦！都係咁！（死都唔公開？）講番呢個場合嘢啦！」
拒學周迅公開戀情
他坦承若有時間，都會飛到台灣探舒淇班，更表示愛貓現寄居自己家中：「佢唔喺香港，隻貓就住喺我屋企，你哋放過我啦！」對於周迅公開戀情，言語間表示不會效法，說：「我同佢OK熟，恭喜佢。（識唔識佢男友？）私下唔識，之前亦唔知佢哋拍拖。（學周迅公開戀情囉？）得啦！好喇！（意思指叫記者不要再問戀情)。」
另邊廂的馬德鐘與太太張筱蘭、楊婉儀與夫婿王瑞勳恩愛到場，馬德鐘表示母親節會親自下廚，而囝囝會化身二廚做他的助手，問到送甚麼母親節禮物給太太？他鬼馬地說：「冇喎！佢（太太）都唔係我阿媽，我就送衫畀我媽咪，佢嗰份就留畀個仔送啦！」
文：名人組