鄭多燕眼眨眨 慘變抑鬱
韓國瘦身天后鄭多燕昨晚在香港會展舉行一連兩晚的《鄭多燕萬人熱辣Show》，昨午進行拜神及綵排儀式，有份演出的阮兆祥，「細細粒」陳嘉佳、「蝦頭」楊詩敏，女子組合Super Gear、孫敬安、盧敏儀及林建名均有現身。鄭多燕因宗教問題未有上香，只雙手合十，綵排時與眾Dancer輕鬆跳了一part，但未有受訪便離開。
孫敬安最緊要有面
有份主辦的孫敬安解釋：「佢（鄭多燕）右眼唔舒服，不停咁眨，做咗3次手術都係咁，畀人當怪物咁睇，搞到有抑鬱症，上一次佢嚟香港開記者會，隻眼都唔舒服，今次就唔做訪問。」孫敬安又透露門票銷情未如理想：「原本計劃每場五千人一齊跳，今晚有千三、四人。蝕咗約二百萬，估唔到！佢網上好紅，冇法，始終係新嘗試，依家努力做好個show，攞番面子！」阮兆祥則搞gag落力宣傳：「我知點解搵我做嘉賓，因為我係香港最似金秀賢（《來自星星的你》男星）嘅男藝人！」Super Gear綵排時有一、兩位成員走光露底又甩beat，她們說：「正式時會打晒底，唔擔心再走光！」
表演由阮兆祥、「細細粒」陳嘉佳及蝦頭三人打頭陣，自言減了廿磅的細細粒特意穿緊身衫將「纖」腰示眾。之後，鄭多燕密實登場，以廣東話說：「大家好，我係鄭多燕！」又透過翻譯用韓文多謝觀眾落雨仍捧場，說罷由助教教現場觀眾跳健康操。
文：影視組