Eric Kwok貪舒服 隨時做老竇
音樂人郭偉亮（Eric Kwok）昨日為7月17至19日在紅館的三場「我最喜愛的Eric Kwok音樂會」舉行記者會，參與演出的歌手逾20位，當中的李克勤、梁漢文（Edmond）及劉浩龍（師兄）昨日現身記者會撐場，贊助商給Eric送上價值18萬元的閃爆黑鑽戒指，而好友陳奕迅、蔡卓妍、組合軟硬及楊千嬅亦有拍片送上祝福。
太太送紅底贈興
Eric太太葉佩雯（Grace）獲安排送上火紅孖煙囪，Eric笑言：「唔啱size喎，咁細條！」Grace即言：「應該啱我，我着畀你睇囉！」Edmond和師兄分別送上足球機及廁紙，送雨褸的克勤稱因Eric在家中閉關寫歌，要以策「安全」，Eric卻抵死說：「我個人不嬲都唔係好安全！」
事後問Eric上次開騷玩即場結婚，今次可會宣布生B？他坦言：「冇諗喎，上次結婚都係畀傳媒問得多，逼下逼下做咗，依家距離開騷得2個月，其實我哋都有共識唔生B。」不過，Eric又自爆：「有時我都唔係好安全，為咗舒服囉！（有咗咁點？）會聽天由命，咁我都會畀最好嘢佢，希望啲雨褸靠得住啦！」他稱因檔期問題不能再加場，而好友謝霆鋒因工作關係未知會否做嘉賓，但當然希望他能出席。
文：音樂組