徐頴堃甜招冧媽咪
影星徐少強及雪梨女兒徐頴堃（Erica）最近主持有線飲食節目《為食情報局》，日前她錄影母親節特別版，帶媽咪雪梨到西貢歎中式甜品，Erica更送上心意卡及玫瑰花，令雪梨非常感動，又錫錫臉珠，場面溫馨！原來今次是她們首度慶祝母親節，Erica說：「之前我移民咗溫哥華，同媽咪見面都撞唔啱母親節，以往我同哥哥（徐偉棟）都有送花，但一齊慶祝都係第一次，感覺好大。」
節目內雪梨親自駕車接載女兒，兩人勾起不少回憶，Erica表示上一次坐母親車是六歲，當時她非常百厭：「媽咪架車有天窗，我貪玩伸個頭出去，仲掹住天窗邊吊起個人，嚇親媽咪同哥哥！」
