鄭多燕出巡親民翹粉絲
跳健康舞跳到爆紅的47歲韓國塑身女王鄭多燕，今、明兩天於本港開騷，昨日趁開騷前鬆一鬆，拉大隊到銅鑼灣自由行被狂集郵，鄭多燕風騷地翹實男粉絲合照。
鄭多燕紅遍亞洲，並於今、明兩天於香港會展舉行《鄭多燕萬人熱辣Show》，在跳唱會中有本地薑阮兆祥、陳嘉佳（細細粒）、楊詩敏（蝦頭）等助陣。
得到同鄉協力，鄭多燕騷前相當輕鬆，昨日傍晚6時半她在經理人、翻譯、助手等多人陪同下現身銅鑼灣，戴上深藍闊邊帽、身穿裙子的她和一般少女無異，專攻靚靚新裝，入到時裝店便揀不停。期間一行人於商場內齊齊自拍及影合照，鄭多燕全程心情勁靚，表情多多不停換甫士。
粉絲受寵若驚
人氣勁的鄭多燕現身不久已被大批市民認出，不少人紛紛上前要求合照，只見她未有介意私人時間被打擾，有求必應，先是熱情地搭着一對男女影相，其後再翹實另一名男粉絲合照，對於偶像的熱情舉動，該粉絲也意外得笑容僵硬。及至發現記者拍照，鄭多燕大方擺甫士任影唔嬲，相當識做。
文、攝：追蹤組