汪圓圓凸肚撐老公 讚B女夠旺
懷孕5個月的「玩具大王」蔡志明新抱汪圓圓昨晚為撐老公蔡加讚，懷孕後首次亮相公開活動。圓圓身形明顯發福，肚凸凸兼現幸福雙下巴，她坦言體重已超標，由於遺傳了家族的易吸收體質，故早有心理準備，幸福之情溢於言表！
蔡志明兒子蔡加讚昨晚以愛國青年組織會長身份出席成立典禮，並率先到場打點，透露太太汪圓圓將稍後到場。問他要兼顧工作與組織，如何分身照顧太太？他承諾：「我會盡力，近期少咗時間陪佢，不過佢好體諒我，冇詐型。」
此時，肚凸凸的圓圓腳踏3吋高跟鞋現身，是她自懷孕後首度公開亮相。已現雙下巴的她笑言：「依家停咗嘔，食多咗好多嘢，食完又餓，又再食。（肥得好快？）惟有盡量食健康啲。」不過她不肯正面回答增磅多少，只說：「已經過咗醫生建議嘅磅數，佢叫我唔好食咁多，但我都預咗會好肥，因為媽咪同家姐佗ＢＢ嘅時候都好吸收，所以我都好吸收，唔會太細粒。」加讚則幫口指ＢＢ十分健康。圓圓稱最近ＢＢ開始踢她，又大讚ＢＢ女很旺：「我哋都覺得佢係lucky baby，我哋好開心。（開始買ＢＢ用品未？）因為啱啱先知係女，依家先開始買嘢。（加讚好忙，佢話你冇詐型？）我大部分時間都好了解佢，知佢要做嘢，有時荷爾蒙影響而發脾氣，佢今日好有做爸爸個樣。（你着高跟鞋？）着一陣唔怕。」
蔡加怡火速修身
早前誕下千金的加讚胞姐蔡加怡已火速回復苗條身段，她透露女兒現4個多月大，英文名叫Kyla，她說：「我返咗工個幾月，每日都唔想出門口返工，好唔捨得ＢＢ。（之前屋企差啲被匪徒爆竊？）已經加強咗保安。」同場有霍震霆兒子霍啟山及霍啟剛、前亞視高層盛品儒與女友、Moiselle太子爺陳柏熹、前歌手黃伊汶、黎瑞恩前夫曾智明等，場面熱鬧。
文：名人組