千語煮場冧仔 林峯讚味蕾勁
林峯與女友吳千語愛得煙韌，繼去年在傳媒面前隔空向女友連講七次「好愛」後，林峯前晚再施冧招，大讚女友廚藝了得、味蕾勁，又自嘲在女友面前只是班門弄斧，更揚言工作之餘，會留時間拍拖：「我哋私下好開心。」
林峯、佘詩曼及苗僑偉（三哥）等演出的新劇《使徒行者》煞科，台前幕後前晚到西環打邊爐慶祝，已榮休的無綫前戲劇製作總監梁家樹亦有現身。
林峯受訪時被問母親節臨近，會否安排女友吳千語與林媽媽齊慶祝，他說：「要睇工作安排，（千語被影到同你行街時扁嘴唔開心？）唔係，係報道講佢扁嘴，佢表情好豐富，唔會唔開心。我哋私下好開心，正常生活。（鍾意玩煮飯仔？）我有興趣，佢好有天分，未識佢前，以為自己好識烹飪，原來我喺佢面前只係班門弄斧，佢味蕾好勁，可以食出每道菜嘅材料，食過乜都可以整番出嚟。」
問拍完劇的林峯是否有更多時間拍拖？他說：「嚟近會去澳門同內地做個唱，（暫停接劇？）依家一年接一個劇。（留多啲時間拍拖？）女友都忙，要互相就時間。」
佘詩曼被集郵
佘詩曼前晚不斷被男士集郵，比之前更瘦的她說：「希望拍完劇可以肥番，之後會有啲散job做，當放假。」對於無綫外購劇《西遊記》成網民熱話，阿佘說：「個男演員我識，合作過《建元風雲》，佢哋付出咗好多。（鍾意邊個版本孫悟空？）我唔知有邊幾個版本。（鍾意陳浩民嗰個？）鍾意周星馳導演、黃渤嗰個版本（《西遊‧降魔篇》）。（冇睇周星馳演孫悟空？）有，周星馳嘅戲套套都有睇。」
文：影視組