鄧紫棋情傷解放任托胸

一連三場《G.E.M. X.X.X. LIVE世界巡迴演唱會-澳門站》於澳門威尼斯人金光綜藝館舉行，前晚尾場G.E.M.勁騷小巨肺的唱功，全晚由頭「嗌」到尾、自彈自唱兼打鼓，盡顯歌藝。

晒事業線

晒玉背

男dancer從後抱抱

不過G.E.M.與林宥嘉分手後，演出明顯「豁出去」，穿bra-top勁歌熱舞，更不時「烏身」露罅，穿高衩裙又刻意晒腿、騷靚背，最噴血莫過於與一眾舞蹈員火辣起舞，G.E.M.被男dancer從後擁抱時疑似被托胸，人工谷胸，效果逼爆眼球，令人看得熱血沸騰，可謂情傷後來個性感大解放！上月她才剛完成《我是歌手2》的比賽，到舉行個人演唱會，作為完成比賽後的第一個演唱會，意義重大，故G.E.M.不時賣口乖，到encore時全場P:觀眾起身和唱，氣氛high爆。

G.E.M.與dancer勁歌熱舞，令粉絲尖叫。

high爆騷胸

完騷後G.E.M.接受傳媒訪問，身穿大領口tee的她不時烏身晒胸，被追問前男友林宥嘉與她的「分手是非」，以及男方發出四點聲明一事？G.E.M.說：「只講演唱會，其他嘢不作回應。（你喺台上講廿多年以來依家最清醒？）係從聖經學會『忘記過去，努力向前，向着標杆直跑』，聖經係全世界最有智慧嘅書。（努力忘記過去？）已經忘記得一乾二淨。」

分手都要「單」聲

對林宥嘉稱公開戀情需要互相尊重？G.E.M.即說：「唔關我事，佢嘅嘢我冇留意，徹底唔關我事，亦冇興趣去講呢個人，暫時短期內都冇興趣提佢。」G.E.M.還自嘲有八個緋聞男友，林宥嘉屬前度還是緋聞？G.E.M.抵死說：「我依家先知原來係真，咁計埋佢啦！（你一直都想認戀情？）我認唔到，唔可以認。（為尊重男方？）係啦……哈哈哈。」林宥嘉揚言能和平分手是需要好大福氣？G.E.M.終忍不住說：「我覺得至少『單』聲囉！」最抵死是G.E.M.穿上的緊身tee正寫着「Let What You Say Be Simple 'Yes' or 'No'」（直接啲講係定唔係) ，似借tee寸爆林宥嘉。

另外，談到被爆家中開放式廚房違規一事，G.E.M.表示已換了電爐，亦承認太大懵不好意思，當時去了遊學三個月，一切交由設計師處理。據知當日林宥嘉亦有同行，可有後悔去遊學？G.E.M.說：「咁都學到好多嘢嘅，唔會後悔。（學識叫人「單」聲？）下次會碌大雙眼，戴番副眼鏡先識人。」