謝安琪未跟風搵好人家

本報上個月率先披露華納有意接收金牌大風的消息，惟雙方一直未有正式公布，至昨日華納終發出聲明，一如本報所料，華納宣布和金牌大風簽約，收購金牌大中華地區的業務，包括旗下的音樂作品曲目及合約藝人，交易將於今年夏天完成。金牌旗下的藝人包括Kay、方大同、袁婭維及張峽浩等，金牌的曲目則包括古巨基、楊千嬅、巫啟賢、張宇、張惠妹、江蕙等歌手的作品，將會由華納接收。

張繼聰專心拍劇

身為台灣金牌一姐Kay的經理人夏森美被問到Kay過檔華納一事，他表示仍在考慮中：「我哋會鄭重考慮大家合作方針，清晰考慮自由度，好歡迎同華納有好詳細嘅討論，希望快啲搵到共識。」而Kay老公張繼聰被問到會否跟老婆過檔？他說已和金牌完約：「同事話我先知，希望大家有好嘅發展。（你會唔會過檔？）我應該唔會過華納，依家專心拍劇，暫時未有任何唱片公司。」又指不清楚老婆過檔一事。

由於香港金牌旗下仍有孖妹組合AOA及鄒文正，這兩個單位會否一同過檔華納？金牌大風香港總經理湯小姐表示：「暫時未知安排。（職員會被遣散或者過華納？）都未知，要等公司安排。」

另外，華納歌手官恩娜（Ella）昨日出席時裝活動，她自認冇身材甚少以比堅尼示人，試過拍攝月曆要以比堅尼上陣，搞到邊拍邊喊。反而在法國見到當地人連上身也不着，胸前偉大，她說：「我控制唔到自己唔去望，我睇到人哋都唔好意思，要着番個top。」至於向Ella求證收購一事，截稿前她未有回應。

文：音樂組