鄭嘉穎負傷戀楊怡

「視帝」鄭嘉穎與楊怡昨日在將軍澳電視城為方駿釗監製的新劇《天眼》試造型，近年在內地紅爆的狂賺「人仔」的嘉穎兩年半後再為無綫拍劇。昨日一身西裝造型的嘉穎新劇演警察偵查案件，並與扮演細佬的陳展鵬及楊怡譜三角戀。

右腳康復中

右腳韌帶受傷的嘉穎新劇要負傷開工，他謂傷勢正在康復中，劇中的動作場面將會安排在尾段拍攝，五月開工會先拍文戲，他說：「依家康復緊，開工會拍咗文戲先，萬一傷勢惡化影響到大家就唔好。」

戴黑框眼鏡試造型的楊怡劇中飾演宅女，她笑謂：「自己現實中都係宅女，平時除咗開工都好少出街。好開心同嘉穎再合作，對上嗰套已經係《鐵馬尋橋》。」

唔出席飯局

剛由馬來西亞出席廣告活動返港的楊怡講到傳有富豪以七位數字邀請高海寧出席飯局，楊怡笑說：「點解冇人搵我o架，可能我唔吸引啦，要叫高海寧介紹吓。如果有人打畀我，我會問吓咩價錢？食咩？唔會大牌檔啩？（會考慮？）唔會啦，唔使搵呢啲錢，自己都有。（係咪知你有男友唔搵你？）可能知我阿媽唔鍾意啩。」

文：影視組