欣宜練拳「食」字派

女星欣宜昨為新片進行搏擊訓練，提到江若琳有機會參演，欣宜表示兩人曾同屬一唱片公司，當時相當傾得埋，但最近已甚少聯絡：「唔知佢近排心情點，我都想同佢合作，齊齊練拳，但世界係圓，呢次唔得就下次。」昨日首次操練的欣宜明顯緊張及「騰雞」，教練惟有出動美食引誘她，笑言若她打得好就有雪糕食，欣宜即情緒高漲，出拳及起腳時大叫「汽水」、「雪糕」，認真搞笑！她受訪時說：「幸好呢排有做番gym，而且有跳舞，筋都算鬆。（怕受傷？）怕！會出動頭盔同護膝，我好易瘀o架！（叫導演就住你？）唔使，我唔會要求特別照顧，一齊練先有士氣。」